Það er með mikilli ánægju sem SKEKK kynnir til leiks nýjasta samstarfsaðila sinn en það er danski hönnuðurinn Troels Flensted. Hönnuðurinn útskrifaðist frá hinum virta Central Saint Martins í London og þrátt fyrir ungan aldur hefur hönnuðurinn náð ótrúlega langt á skömmum tíma.

Tilraunakennd vinnustofa Troels kannar möguleika ólíkrar hegðunar hráefna, lita sem og óhefðbundinna framleiðsluhátta ásamt því að sækja innblástur í fagurfræði og áður óþekkta möguleika sem samþætting á borð við þessa leiðir af sér. Þessi nálgun Troels hefur leitt af sér afar áhugaverð verkefni jafnt fyrir einstaklinga og fyrirtæki.

Frá stofnun vinnustofunnar hafa verk Troels verið sýnd á mörgum hinna virtustu hönnunarsýninga víðs vegar um Evrópu sbr. Dutch Design Week, London Design Festival, May Design Series, Stockholm Design Week til að nefna einungis nokkrar ásamt því að hljóta umfjallanir í fjölda áhrifamikilla hönnunarmiðla sbr. Dazed, Icon, Dezeen, Milk Décoration ofl. ofl.

Troels er sannarlega hönnuður til að fylgjast náið með.